Mittwoch, 25. Dezember 2013

Christmas, St. George and Vegas

Heilige Maria, jetzt hani scho wieder so lang nüt gschribe... aber egal haha
also es git einigi news, aber ich fang mal a mit mit em wichtigste... ich wird dFamilie wechsle will ich han ja nume ei Gastmueter gha.. also ned das es mir bi ihre ned guet gange isch oder so, aber es isch mängisch wüki ned eifach binere 70 jährige frau zwohne. ich han mis gastmami zwar mega gern aber ich vermisse halt eifach sFamilielebe! Denn hani mal mit minere IEC (minere asprechsperson vo ef) gredet und si het mich au verstande und het mir aber gseit das ich ned chan familie wechsle will es isch ja kein notfall oder so gsi! uf jede fall hemer denn mit mim gastmami gred und sie isch mega verletzt gsi will ich ned zerscht mit ihre gredet han und blablabla. aber egal ich han mir dnn gseit das ich muss au egoistisch si i dem jahr will ich han nur eis jahr!! Ja denn hets zerscht mal gheisse mir müsstets witerhin zeme versueche bis neu jahr und ich han so denkt, ok ja chemer mache, und han positiv denkt und so aber mis gastmami isch denn voll komisch druf gsi. sie het mich ignorierd und ja eifach ned so behandlet wie vorher... aber es isch ja verständlich gsi! es paar täg spöter het si mir denn gseit das es sbeschte wär wenn ich zu minere beste fründin wo ich da han zien und ja wäg verschiedene gründ!
Und ja jetzt zien ich bald bi minere kollegin da i und sie freuet sich alli mega. ich muss zwar en rum mit ihre teile aber ich denke das wird no luschtig!

wiehnachte da isch au mega cool gsi... es paar täg vorher bini mit de kollegin (bald gastschwöschter:P) uf boise go es auto "abhole" und denn simer uf Utah gfahre und ich han chene ihri familie kennelerne und ja isch no luschtig gsi...
denn am 24te hani mit mim gastmami gfired... also ich bin am morge heicho und dsummer (mim gastmami ihri tochter) und denn ihri chind sind det gsi und denn simer eigentlich de ganz tag nume umegsesse und hend denn am abig pizza gesse... ich han 2 h mit minere wunderbare familie gskypet und sogar lieder mitgsunge :) (flo und nici hend no en battle gha wer besser singe chan :P)
ja und denn nach de pizza hemer gschenkli ufgmacht.
denn spöter bin ich zu minere kolegin/ Gastschwöschter (sie heisst Kamilla) und mir sind denn ca am 1 is bett und mir hend z4 i eim zimmer ufem bode gschlafe :) und denn am morge am 6 simer ufgstande hend zmorge gesse und gschenkli ufgmacht... oh ja und de santa het dsocke gfüllt mit coolem züg :)
ich han chleider übercho, schoggi, shorts und und und :D denn hemer herr der ringe gluegt und jetzt simer eifach no chli am umeligge und gnüsse... oh mir hend no znmittag gesse :P haha
das wär wiehnachte da in amerika gsi. es isch es tolls erlebnis gsi aber wenn ich ganz ehrlich bin: ich chans gar ned abwarte wieder ide schwiz wiehnachte zviere... irgendwie isch det chli me stimmig und ich han mengisch sgfühl da gats nur um dgschenkli womer überchunt!

ok und denn no St. george und Vegas! also das isch scho so lang her haha chan mich fascht nüm erinnere! es isch mega cool gsi will mim gastmami ihri tochter und ihri chind sind ja au det gsi und denn  logischer wis au dMelissa vo holland :)
mir hends mega luschtig gha und denn simer no ein tag uf vegas und das isch eifach gigastisch gsi!! thanksgiving isch ja au no idere wuche gsi... wow haha so lang hani nüm gschribe! oki also demfall zerscht mal über thanksgiving.. isch au mega cool gsi :) eifach es mega grosses familie esse wod wüki u mega viel issisch. denn simer ebe uf vegas für ei nacht und die stadt isch wüki unglaublich!

Im moment gnüssich mini zit da mega... ich weiss au ned aber sit ich mit minere familie gskyped han weiss ich das ichs jahr schaffe wird au wenns mengisch mega schwer isch! ich bin eifach so froh das ich so e tolli familie und so gueti fründe han da und dihäi!

ich lieb eu und vermiss eu all so fescht!!
üchi AnnA

PS: bilder chömed bald :S

Keine Kommentare:

Kommentar veröffentlichen