Ich bin am halbi 8i glaubs, ungefähr, mit em Mami im Zug richtig Bern gsi und am viertel vor 10i hettich denn de Termin gha. Am halbi 10i bini am astah gsi und öppe 20-30 Minute spöter bini denn endlich id Botschaft ine cho... Denn hani zerscht mal müsse dur so en Sicherheitsdings ga, wie bim Flughafe! Denn hani chöne witer ga zu somne Schalter wo e Frau alli mini Papier dure gluegt het und mich 2, 3 Sache gfragt het, wie zum Bispiel ob ich mal no en andere Name gha heigi und für was ich s Visum bruch und so. Denn het si mich witer gschickt und det hani denn müsse Englisch mit öpperem rede und eifach nomal beantworte wieso ich es ustuschjahr mache und ob ich scho weiss wo ich ane chume und so :D
Jaaa denn isch die längschti Wartezit cho. Bis ich am 3 Schalter ufgruefe worde bin isch öppe e drüviertelstund vergange!! Aber ich han eigentlich no glück gha, will zum Teil muss mer über zwei Stunde oder so warte:O Und während dere Zit hanich au no 2, 3 anderi lüt troffe wo au es Ustuschjahr mached :)) Isch voll luschtig gsi mich mit dene zunterhalte :D
Denn binich denn mal ufgruefe worde und denn hani nomal müesse englisch rede und nomal die gliche Frage beantworte und Fingerabdrück hani au no müesse mache :P Denn het er mir gseit, dass si mir sVisum innerhalb vo 4-5 Täg zueschicket :))
Jezt muss ichs nur no bide Post go abhole... :D muahahahah
Ja also im gross und ganze isch das voll locker gsi und ich bin ufgregt gsi für nüt aber egal :))
Mittlerwiile sinds nur no 44 Täg bis s Camp afat und ich han nur no 5 Wuche Schuel...
Ich bin au scho am plane für mini Abschlussparty wo am 22 Juni scho statt findet wills spöter eifach nüme gat :P hahah
