My Year In The USA: Updates

Oh my gosh

Ok ich weiss ich han ewig nix me gschribe :S hahaha niemals hettich denkt das so viel los isch da :)

Also ich fang mal vo vore a. Wenn ich mich no a alles chan erinnere :P ich han so viel scho erlebt da, zum bispiel bini go dirtbike fahre... ich hans sogar selber chene usprobiere und es isch so luschtig gsi :D das münder umbedingt au mal probiere!!

Denn hani sicher eppe dhelfti vo dere zit woni scho da bin bide Kim übernachtet! Es isch amigs so luschtig hahha jedes mal hemer en Mitternachssnack und redet und singet und tanzed ide wonig ume... Sind ufem Trampolin oder essed alli erdbeeri wo si im Garte hend :D njamm :))

Hui und denn bini no amne Garagesale gsi... das isch soo luschtig es isch wie im Film, also ich han das no nie gse ide Schwiz :P Me chunt dSache so billig über! T-shirts für 2 Dollar oder weniger und und und :D ja das isch am samschtig gsi (vor 2 wuche! ned geschter)! (dKim het mich mitgno)

Denn simer no go rite... Also richtig rite chamer dem ned wüki sege aber es isch luschtig gsi! En kolleg da het 3 Pferd aber me chan nur eis wüki rite wills halt zimli wild sind! Also hemer probiert das dSattle und ich bin ganz ehrlich... Ich glaub ned wüki das irgendepper gwüsst het was mir genau machet hahah es isch soo luschtig gsi! Das arme Tier het richtig müsse Geduld ha :P Schlussendlich hemers denn doch gschaft und denn simer use und sind abwechsligswis chli umegritte oh und ganz ehrlich ich han kei ahnig was die dene zum esse gebet!! :O Die Pferd sind wüki übertribe gross :S hahahaha

Hmm was no?! Oh ja ich chan autofahre... hahhaha!! Es isch wüki übertibe eifach :P me muss nur Gas gä und ab und zue bremse :P alli sind immer voll am duredreie wenn ich fahre :') es isch so luschtig!! Ah ja und im Drive in simer gsi go Despicable Me 2 luege (I love this Show!!!) ! also ihr wennd ned wüsse wie de truck nachdene 2 h usgse het :'D Popcorn isch gratis gsi ;) jajaaa...

what else?

Gester bini anere fair gsi! Das isch so luschtig gsi!! Es git überall esse und dbahne sind so cool!! hahah jaja das isch en coole tag gsi gester :)

OOhhh und dSchuel het agfange :D es isch zimlich luschtig! Ich fühl mich amigs als wür ich imne film mitspiele! Mir hend 5 h am Tag. 3 am morge und denn 2 am nami und 1 h gat 70 min o.O!!! mini Fächer sind: 1) US History

2) Algebra 2 ( Zimlich eifach! Mir fanget a glichige mit x usrechne :P)

3) Semenary ( det gats um religion und es isch wüki u mega spannend!)

4) English

5) Healt (was au zimli eifach isch.es gat um gsundheit allgemein.isch also ähnlich wie bio)

dSchuel startet am 8:30 und am 3:30 isch firabig :D love it *_*

Oh ja am Frititg vor 1 wuche bini mit me kolleg 2 Hünd usem Tierheim go hole zum chli mi ihne spaziere will das suscht niemert macht! Chli freiwilligi arbet hani gleistet :D und die 2 sind so schnüggelig gsi!! 2 Welpe: Johhny und Ronny! Am liebschte würi si hei nä will die mün sich idem Heim zdritte en zwinger teile :(

Ich hoffe ich dun wieder chli regelmässiger schribe :S hahah

Love ya'll :D