Sonntag, 26. Mai 2013

Double Placement

Yeey :D
Am letschte Dunschtig hanich es telefon vo EF übercho:). Die Frau am Telefon het mich zerscht mega verwirrt und denn hanich au no so schlechti Verbindig gha. Aber nach em 2. Versuech hemers denn gschafft:)) Also sie het mir zerscht gseit gha, dass e arrival family für mich gfunde worde segi, denn binich natürlich u mega verwirrt gsi will, das weissich ja scho o.O hahah. Das hanich ihre denn au gseit und han sie gfragt ob das no die glich Familie isch. Sie het gseit ja voll und es chunt no epper i die Familie wenn das für mich ok segi. Für mich isch das natürlich genial :) Es isch es Mäitli us Norwege und mir verstönd eus jetzt scho mega guet. Sie isch glich alt wie ich, also 17, und ich freu mich mal e Schwöschter ha wo im gliche Alter isch wie ich ;)
Ah ja sLustigste a dem ganze isch gsi, dass dSandra (ebe mini Gastschwöschter) mich uf Facebook gfragt het, ob ich denn scho weiss wo genau mir anechömed :P Das heisst sie hets erscht denn erfahre wo ich erfahre han, dass sie i die glich Familie wie ich chunt. Ich han ihre denn all Infos wonich gha han gschickt und jetzt isch sie glaub au scho in Kontakt mit üsere Gastmueter :)
Wie gseit, mir verstönd eus super und schribet au mega oft mitenand.
Das Double Placement, het mir grad e rise Last vom Herze gno, will jezt weiss ich, dass ich ned ällei bin und es isch immer epper da wo ide gliche Situation isch wie ich. Au wenn ich id Schuel gang wirdi ned ellei si. Uff ;) Ja ich glaub das Jahr chan ja nur na de hammer werde :)))

Hüt am morge bini amne Orientation meeting vo EF gsi. Es isch voll guet gsi det mal zuezlose au wenn ich smeischte scho gwüsst han :P
Es isch au voll spannend gsi wo eini wo es Ustuschjahr in Iowa gmacht het, vo ihrne Erlebnis verzelt het. Es het sich also glohnt. Nach so Treffe merkt mer immer, das mer ned ellei i dere Situation isch, sondern no hunderti anderi genau ide gliche sind wie ich momentan :) Ich freu mich immer me uf mis Jahr in Idaho und chans chum abwarte bisich entlich det bin... :D

Montag, 20. Mai 2013

Camp in Boston!!

Jetzt sinds no genau 64 Täg bis s Camp in Boston a fat. Ich gang ebe bevor ich mis Jahr in Idaho afange, zerscht no 10 Täg ine Art Vorbereitigscamp. Det triff ich mega mega viel anderi Ustuschschüeler wo mit EF id Usa greist sind. I dem Camp het mer am morge zerscht Schuel (also det lernt mer glaubs eifach biz über sLand selber und was mer mache set wenn mer Heiweh oder suscht irgendwelchi Problem het) und am Namitag gits so Freizitaktivitäte (kei Ahnig was det so im Programm isch)! Uf jede Fall freu ich mich meega fescht uf das Camp. Ich bin immer nervöser (so extrem :O) ;) naja. 
Nach dem Camp flüg ich denn witer uf Idaho. Hoffentlich mussich denn ned ällei flüge. Aber ich bin ja ned die einzig wo uf Idaho chunt, also denk ich das wird ned passiere;) 

Ja vo minere IEC (jetzigi Gastmueter) hani leider au nüm viel ghört. Sletschte wo sie mir gschriebe het isch, dass sie am abkläre isch ob ich det chan es Cello miete und das sie luegt, dass ich dAutoprüefig mache chan :D Aber suscht het sie nonig konkret über eppis gschribe was ich in Idaho chan mache oder so. Aber sie isch ebe au chrank und ihri 9 Mönet alti Tochter leider au. Ich hoffe sie sind bald weider gsund. 

Ich wünsch eu all no en schöne "Firtag". 
Gnüsseds und ich meld mich denn wieder ;))

AnnA

Dienstag, 7. Mai 2013

Idaho! Idaho! Idaho! *__* :D

Hei :D

Ja ich meld mich au mal wieder :)) Ich han ja gschribe das ich e Gastfamilie übercho han! EF het mir det ja gseit, dass sie mir dInfos innerhalb vonere Wuche schicket. Aber wie zerwarte hends das ned gschafft :P So isch es halt cho, dass ich zerscht e Wuche bi mim Papi in Belgie ide Ferie gsi bin. Die Wuche det isch voll cool gsi. Aber ich bin trozdem immer ufgregt gsi.
Wo ich und Kristina denn nach me 1 Stündige Flug heicho sind hanich natürlich grad in Briefchaschte gluegt :)) und tadaa... en Brief vo EF!! ich han en sofort ufgrisse und bin voll verblüfft gsi das da sooo viel Näme gstande sind, obwohl die vo EF gseit het es sig nur epper :P hahah ich bin soo happy gsi und soo ufgregt. Uf jede fall han ich grad am gliche Abig minere Gastmueter es Mail gschribe. Ich han sooo lang brucht für de eigentlich ned sehr langi Text. Aber woni denn fertig gsi bin, binich no ufgregter und glücklicher gsi!
Am nechschte morge hani müsse am 4 ufsta will de Zug am 5 richtig Züri und denn richtig Hamburg--> Sylt gfahre isch. I dene Ferie hanich kei Internet gha aber zum Glück het mich  mini besti Fründin ufem laufende ghalte :D Öppe 4 Täg spöter het dLari mir ca 7 sms gschribe vom Mail wo mir dGastmueter gschriebe het! Sie het mir so lieb zruggschribe und freut sich mega, dass ich es Jahr in Idaho wird verbringe. Was mich sehr berüert het isch de satz gsi, ich zitiere: "I saw your application and I knew you would be perfect for us and for Idaho!" So herzig :D 
Sie het mir denn aber au alles no genau erchlärt, also das mit dene viele lüt ide Familie. Sie lebt mit ihrere Mueter, ihrere 9 Monate alte Tochter und ihrere Schwöschter wo au nomal 3 Chind het (5, 15 & 18 Jährig) zäme. Ich find das mega spannend und voll cool :) Sie het mir au gseit das sie mini IEC isch. Das heisst falls Problem uftretet bi mim Ustuschjahr chanich mich a si wende. Und da drüber binich so froh, will sie chunt mir wüki mega lieb und hilfsbereit übere. Allerdings hanich au erfahre, das das nur mini arrivel family isch :( also falls kei definitivi familie gfunde wird bis ich abflüge wird ich bi ihne wohne bis e familie gfunde isch. Aber Sie het mir gseit sie isch sich sicher, dass sie mir sicher no e familie wird finde :) und jetzt bini nomal me ufgregt :) 
Ah ja und de genaui Ort wo ich anechume isch in Idaho Falls (Ammon) ;) Wenni Glück han chumich uf d Hillcrest High School. :) also mini bis jetzig Gastmueter luegt, dass ich uf dere Schuel chan blibe :P 


Ja das wärs denn mal wieder gsi :D ihr chönd au gern kommentär schriebe und frage stelle... ich antworte sehr gern :)) 



AnnA


Donnerstag, 11. April 2013

IDAHO :D here I come *__*

Heioo :D

Ich meld mich au mal wieder:)  Wie de Titel scho seit: Ich wird mis Ustuschjahr in Idaho verbringe*__*
Ich han am 9. April erfahre, dass e Gastfamilie für mich gfunde worde isch :D wuhuu! Nur leider hends  ned mir aglüte sondern mim Mami. Ja und sie het leider sHandy ned chöne abnäh, wil sie e sizig gha het:( Aber grad wo sie ufem Heiweg gsi isch het si mer aglüte. Und ich bin so gnervt gsi, dass sie jetzt alütet will ich so kaputt gsi bin vom ganze Tag. Und denn het sie mir aber gseit, dass e Gastfamilie für mich gfunde worde isch. Und ich bin so ufgregt gsi und hans ihre zerscht mal 10 min ned glaubt, bis ich denn wüki voll usgflippt bin vor Freud. Ich bin so glücklich gsi und plötzlich wieder top fit. ;)
Nur hets jetzt no eis Problem gä. Sie hend ned gseit wo ich anechume oder wie dFamilie usgset.:/ Und sTelefon im Büro hends au nüm abgno, wills scho zspat gsi isch. Also hanich mal wieder müsse warte. DNacht isch soooo langsam verbi gange, aber schlussendlich isch denn doch no morge worde :) 
Am halbi 9i hani EF aglüte und grad nach me Infos gfragt. Sie het mer gseit das ich uf Idaho chume :D yeey :D über dGastfamilie wüsseds leider au nanig so viel. Aber nechscht Wuche schickts mir all Informatione damit ich mit de Familie chan Kontakt ufnä! 
Ich freu mich soooo fescht und bin überglücklich. Evt wohnt sogar no en andere Ustuschschüeler i dere Familie. Aber das münds alles no abkläre :D
Jaa das wärs au scho wieder gsi:P 

Witeri Infos folget natürli wieder :D
IDAHO <3 isch zwar chli nördlicher als ich erwartet han aber ich finds super. Und wer weiss, viellicht gang ich mit minere Gastfamilie sogar mal nach Kanada...?! :D



Mittwoch, 13. März 2013

Allergietest

Jaaaa... :P Ich bin ja am Mäntig bim Arzt gsi und han welle de Allergietest mache wohni mal erwähnt han. Aber wonich denn det gsi bin und em Arzt die Formular zeigt han, het er gseit, dass er kein Test mache chan, er heigi nur mini alte Ergebnis vo dem Test wonich früener mal gmacht han. Das hanich licht komisch gfunde und denn het er halt eifach das Formular usgüllt ahand das er mich gefragt het ob mir eppis uffallt wenn ich zb ide nöchi vo Hünd oder Pferd bin. Denn hani gseit ich weisses ned, will ich ned viel mit Hünd oder Pferd oder suscht irgendwelche Tier ztue han. Ja und denn het er eifach gseit ich sig ned allergisch. Hmm und ja... Das isch denn de Arzttermin gsi. Ich han mich nacher ziemlich ufgregt, will genau soviel wie de akrüzlet het, het ich oder mis Mami genau au chene selber achrüzle-.- Aber egal. Ich han ihn denn au no gefragt ob er mir das Formular echt no schnell chent iscanne, und denn seit er eifach nei :o Ich han nur so denkt: aha okei, danke?! Das het mich denn no meh ufgregt will churz vor em Termin het mir eini vo EF aglüte und gefragt ob ichs Formular echt no chent am gliche Tag schicke, was ich denn aber ned han chene mache:/
Mis Mami hetz denn aber grad am nächste Tag ide Schuel igscannt und het au mit dene vo EF telefoniert und ihne gseit, dass de Termin bim Arzt ned wüki eppis bracht het. 
Aber jetzt isch mir das alles voll egal. Sie sind jetzt nämlich definitiv am Familie sueche und ich bin no ufgregter als vorher will vorher hends nonig richtig gsuecht, glaubs??! :P haha und mega viel säget, dass es mega schnell gat nachdem mer alles abgäh het :D
Ich hoffe ich weiss bald bscheid:D 

Schöne Abig no 
AnnA:)

Montag, 11. März 2013

Zrug vo London und schowieder Schuel!

Hei zäme :)
So nachdem mir am Sunntig Abig vo London zrugg cho sind, het jetzt leider dSchuel scho wieder agfange. Es het sich so abfühlt als wär ich e Wuche die Ferie gsi:)
Londo isch soooooo hammer. Ich lieb die Stadt!! Ich wünschti ich wür det wohne und chönt täglich mit dene rote büs umefahre und mit de tube :D Es isch eifach einzigartig gsi! Mir hend i dene 2 Täg so unglaublich viel vo dere Stadt gse. Und mir hend au chöne vo obe uf sie abeluege, will mir ufs London Eye gange sind *__* Natürlich simer au go shoppe :P Ide Oxford Street <3 die Strass isch eifach 3x so lang wied Bahnhofsstrass in Zürn. Also ich und Kristina sind scho recht lang unterwegs gsi, und hend au eusi Problem gha sHotel wieder zfinde. Aber de Usflug sich eifach genial gsi :D
Ja leider het dSchuel scho wieder agfange und de normali Alltag gat witer (was mengisch sehr langweilig si chan!)  Naja egal!

Da sind no es paar fotis vo London! es sind lang ned alli, aber es paar wo mir gfallet und ich eu gern zeige wür ;)

Das isch so es typisch Englischs Taxi. Die sind so herzig und cool:) Im Hintergrund gset mer die geilste Büs uf Erde :P

Kristina und ich vorem shoppe :D

Wieso hemer kei settig Telefonkabine ide Schwiz??? :(

Londo Eye *__*

Ussicht vom London Eye uf de Big Ben :D


Shopping *_*

Buckingham Palast


Starbucks :D

Donnerstag, 7. März 2013

going to LONDON :D

hi ho :D

Es git zwar leider no nüt neus über Amerika, ABER: ich flüg morn abig uf London!!! :D Wuhuu 
Es isch so luschtig gsi wie sich das ereignet het. Voll spontan haha...;) Naja.
Ich gang mit mim Mami, em Thommy und de Kristina:) ich freu mich sooo mega fescht. Ebe morn abig flüge mer und denn luege mer dStadt ah, fahret mit dene rote Büs *_* und natürlich gömer au go shoppe :D Das wird so genial!
Ja und denn chunt au no dezue, dass ich seehr bald Geburtstag han! Und uf de freui mi au scho gigantisch!

Am Mäntig chanich denn endlich de Allergietest mache. Und denn hoff ich, dass ich bald e Gastfamilie han. Völlig egal wo! Ich weiss es wird es hammer Jahr :D 

Ich meld mich nach London wider ;) 

gnüssed de Abig no :P

grüessli AnnA